الفصل الثالث. زيارة مش بريئة



بعد يومين من الخطوبة، أم آدم اتصلت بأم سارة:

ـ لازم تيجو عندنا بقا.. عايزين نتعرف أكتر.

سارة وهي بترد:

 يا ماما قولي لهم إني تعبانة.

الأم:

تعبانة إيه؟ دا إنتي لازم تبيني إنك عروسة لوز العنب. قومي حضري نفسك.


سارة دخلت بيت آدم لأول مرة.. البيت ريحته "ديتول" زيادة عن اللزوم، كأنها داخلة مستشفى مش شقة.

سارة همست في ودن أمها

يانهار أبيض.. دا لو عطست هنا هيعمل لي مسحة PCR.


آدم نزل من فوق، لابس تيشيرت أبيض مكوي بعناية، وماسك بخاخ كحول في إيده كالعادة.

قال مبتسم:

أهلاً يا عروسة.

سارة:

 أهلاً يا دكتور كورونا.


أمه كشّرت:

ـ إيه يا بنتي؟ كورونا إيه؟ دا ابني متعقم.


سارة بسرعة:

لا أقصد يعني منوّر زي الشمس.


الجلسة تبدأ، أكل متحضّر على السفرة.. كله محطوط في علب بلاستيك معقمة


سارة بصوت واطي

يا ساتر! هو مش عندكم أطباق صيني زي الناس؟!

آدم:

البلاستيك أنضف.

أبو آدم يضحك:

ـ يا بنتي سيبيه.. متعود يعيش كده.

سارة ترفع معلقة الملوخية وتدوق، وتغمض عينيها بتلذذ:

أه يا خرابي! دي ملوخية حلوة أوي.


آدم بسرعة:

ـ اوعى تنفخي في المعلقة! النفخ ينشر بكتيريا.

سارة ضحكت:

ـ طب وانا آكلها سخنة كده؟! أبلعها  أبلعها؟

آدم:

 استني.. يطلع مروحة صغيرة من جيبه ويشغّلها على الطبق


سارة انفجرت ضحك:

يانهار أبيض! ده جايب مروحة متنقلة عشان الأكل؟!


أمه تبص بغيض:

ـ إيه يا بنتي؟ إنتي طول الوقت تضحكي؟

سارة

 أصل ابنك مادة خام للكوميديا، ينفع نعمله برنامج لوحده.

آدم ابتسم، بص لها نظرة غريبة

بس دمك خفيف.. يمكن البيت محتاج ضحك بقاله كتير.

بعد الغدا، سارة وقفت تساعد في المطبخ.. بس من غير ما تاخد بالها، وقعت شوية رز على الأرض

آدم دخل فجأة وشاف الرز

ـ كاااارثة

سارة:

ـ إيه يا عم؟ دا رز مش ديناميت.

آدم:

ـ الرز ده ممكن يتلوث، لازم يتشال فوراً!


سارة بمرح

ـحاضر يا سيدي.. تعال إنت شيله بنفسك.

آدم اتردد.. سارة مسكت يدها الجوانتي طبعا وخلته ينحني يشيل معاها.

أول مرة يلمسها من ساعة ما اتخطبوا.


الاتنين وقفوا ساكتين لحظة، بصوا لبعض.

سارة تضحك تكسر الجو

 إيدك متلجة.. إنت متأكد إنك بني آدم

آدم ابتسم

 مش متأكد.. بس يمكن إنتي اللي تخليني أبقى طبيعي

تعليقات

إرسال تعليق

المشاركات الشائعة من هذه المدونة

انثى لا ترفع الراية البيضاء

صورة
أتيتك لا هاربة من برد ولا سائبة في دروب الوقت أتيتك كأنني الغيم حين يفيض والنهر حين يكسو العطاشا ملامح الحياة أتيتك لا لأسكنك بل لأعلّمك كيف يكون الوطن أنثى تخيط من الانتظار وشاحا وتسند من الحنين جدارا كنت أظنك دفء فإذا بك زمهرير لا يُحتمل كنت أراك نجاة فإذا بك الموج حين يغدر علّمتني ألا أرفع راية بيضاء ولا أضعف عند أول خيبة أنا التي لو كتبت للعمر سيرة لأمضيت فيها أن قلبي يشبه السيوف حين تبتسم — بقلم: لمسة روح   © جميع الحقوق محفوظة
Read more »

صهيل في قلبي 💕 وكتاب ولد من حلم

صورة
                                               مقدمة  "من خلف الحواجز البعيدة، كنتُ أراه... ذاك الكائن الفاخر الذي يمشي كأنه قطعة من الزمن لم ألمسه، ولم أقترب منه، لكنّ قلبي تعلّق بحلمه قبل أن تطأه قدماي. كنت أُراقبه، وكأنّي أبحث عن ظلّي فيه، عن كبريائي الذي يُركض فوق الأرض وعن روحي التي تتوق للحرّية بلا قيود. خطوتي الأولى على دربٍ يشبه الحلم… والقلب ما زال يمتطي الأمل.
Read more »

صباح يشبه النور حين يخجل

 استيقظت الروح على حرف يشبه الغيم حين يتسلل دون موعد وفي داخلي همس ينهض كأنه صلاة لا تُقال بصوت كل الأشياء بدت ساكنة إلا قلبي كان يكتب على مهل تذكرت أنني لست عابرة في هذا الضوء بل ومضة تمشي بثقة وتترك خلفها سكينة لم أعد أبحث عن صخب يشبههم ولا عن مرافئ تسرق سلامي أنا كأنني نبتة لا تشتهي الضوء لكنها تنمو في الخفاء وتُزهِر دون إذن في الصباح أحب أن أكون فكرة لا تُفسَّر وصوتا لا يُنسى وظلا لا يُغادر كأنني في كل يوم أولد من جديد وأكتبني من جديد وأدهشني من جديد بقلم: لمسة روح  © جميع الحقوق محفوظة2025
Read more »